Брэсцкія “маўчуны” адпушчаныя з пастарунку да суда
Гэта Максім і Андрэй Прыстаўкі, Георгій Несцер, Аляксандр Клімчук, а таксама яшчэ адзін затрыманы 13 ліпеня, чые прозвішча невядома.
Па звестках праваабаронцы Рамана Кісляка, на іх склалі пратакол за ўдзел у несанкцыянаваным мерапрыемстве. Яны правялі ноч за кратамі. Іх выпусцілі толькі 14 ліпеня па абедзе. Дата судоў пакуль невядомая.
Усяго ў Брэсце затрымалі 6 чалавек. Аднаго з іх, мясцовага актывіста БСДП (Грамада) Аляксея Коўтуна, адпусцілі яшчэ 13 ліпеня ўвечары без складання пратакола, паведамляе БелаПАН.
