Дыпламат: беларусы не маюць падставаў трымаць за кратамі Саракашыша
Амбасада Расіі накіравала ноту ў МЗС Беларусі ў сувязі з затрыманнем у Мінску расійскага грамадзяніна.
Былы дырэктар сочынскага санаторыя "Беларусь" Георгій Саракашыш ужо некалькі дзён знаходзіцца ў следчым ізалятары. Дазвол на сустрэчу з ім расійскія дыпламаты пакуль не атрымалі.
Прадстаўнік расійскай дыпмісіі Уладзімір Марчукоў дапускае, што Саракашыша могуць адпусціць з-пад арышту. Ён мяркуе, што расіяніна падазраюць у здзяйсненні "нейкіх гаспадарчых парушэнняў".
"Такога роду абвінавачванні не падпадаюць пад катэгорыю цяжкіх. У прынцыпе, беларускі бок дастатковых падстаў для ўтрымання грамадзяніна Расіі пад вартай не мае", — цытуе словы Марчукова РІА "Новости".
Адзначым, што раней паведамлялася пра затрыманне ў Мінску і намесніка Саракашыша Аляксандра Кізіма.
