“Гавары праўду!” памяняла вуліцу Ульянаўскую на вуліцу Быкава
Акцыю сімвалічнага перайменавання зладзілі ў Мінску актывісты грамадзянскай кампаніі.
Побач з цяперашнімі шыльдамі яны наляпілі альтэрнатыўныя, паведамляе “Наша ніва”. З Ульянаўскай яны прыехалі на Усходнія могілкі сталіцы, прывезлі на магілу Народнага пісьменніка кветкі.
Дагэтуль у Беларусі імем Васіля Быкава названая толькі адна вуліца — у аграгарадку Ждановічы пад Мінскам. Хоць грамадскасць Мінска, Гродна, Салігорска ды іншых гарадоў не раз звярталася да гарадскіх уладаў з прапановай ушанаваць памяць пісьменніка.
