Газета.Ru: На беларускіх грошах з'явіліся заклікі вызваліць Статкевіча
Расійскае інтэрнэт-выданне сцвярджае, што гэта не адзінкавыя, а масавыя выпадкі.
На банкнотах Нацбанка Беларусі невядомыя пішуць заклікі вызваліць палітвязня, экс-кандыдата ў прэзідэнты Міколу Статкевіча. Пры гэтым гэтыя надпісы не робяць купюры несапраўднымі, і "яны сотні разоў пераходзяць з рук у рукі", адзначае Газета.Ru.
Нагадаем, Статкевіч летась быў асуджаны па справе Плошчы на 6 гадоў пазбаўлення волі. У студзені сёлета ўмовы адбыцця пакарання палітыка сталі больш жорсткімі — суд вырашыў перавесці яго з шклоўскай калоніі ў магілёўскую турму.
