Гомельскага сябра “Еўрарадыё” шукаюць невядомыя
Зміцеру Новікаву 4 ліпеня ўвечары патэлефанавала маці і паведаміла, што дадому прыходзілі невядомыя.
Хлопца ў той час дома не было. Маці не адчыніла “гасцям”. Але ж яны пыталіся пра месцазнаходжанне Зміцера, прычым называлі яго прозвішча, імя ды імя па бацьку.
Зміцер неаднаразова прысутнічаў на "маўклівых акцыях" у Гомелі. Па яго звестках, невядомыя асобы, якія па стылі сваіх паводзінаў нагадваюць супрацоўнікаў спецслужбаў, пайшлі па кватэрах некаторых іншых гомельскіх "маўчуноў".
