Гомельская “рэвалюцыя” скончылась хапуном (фота)

Плошча Леніна, як звычайна, была перакрытая турнікетамі, стаяў АМАП і ДАІ, на самой плошчы праходзіў нейкі вайсковы парад. Таму пратэстоўцы сабраліся на прыпынку “Парк” на вуліцы Працоўнай.

Народ пляскаў у ладкі машынам, што праязджалі паўз прыпынак. Знаёмыя паміж сабой віталіся воклічам “ШОС!”.

Недзе каля паловы на восьмую натоўп рушыў у кірунку вакзалу па праспекце Леніна. Аўтааматары падтрымлівалі натоўп сігналамі. Неўзабаве гамельчукі дайшлі да скрыжавання з Чырвонаармейскай, дзе іх ужо чакаў АМАП і міліцыянт з мегафонам. Ён загадаў удзельнікаў акцыі разыходзіцца направа і налева. Тых, хто вырашыў ісці налева, каля ЗАГСу Чыгуначнага раёна чакаў аўтазак. Там АМАП пачаў хапаць людзей. Сярод затрыманных — Руслан Усціменка, якога два тыдні таму ўжо забіралі на такой акцыі.

Паводле сведкі гэтага затрымання, Руслана затрымлівалі людзі ў цывільным.