Інфляцыя з пачатку года склала 11,9%
А з 1 па 24 ліпеня спажывецкія кошты ў Беларусі ўзраслі на 1,3%.
Асабліва заўважна ў другім месяцы лета падаражэла некаторая гародніна новага ўраджаю — буракі, бульба, морква, цыбуля, яблыкі. Апрача таго найбольш прырост коштаў адзначаны на гарэлку, хлеб, сухія малочныя сумесі для дзіцячага харчавання, піва.
Ёсць і прадукты, якія патаннелі. Напрыклад, знізіліся ў цане белая капуста, грэчка, яйкі, марожаная рыба.
Па выніках года ўрад разлічвае ўтрымаць інфляцыю ў межах 19-22%, нагадвае БелаПАН.
