Удакладненне: Камісія разгледзела прашэнне аб памілаванні Кавалёва

Камісія па памілаванні пры прэзідэнце разгледзела прашэнні аб памілаванні асуджанага за тэрарызм Уладзіслава Кавалёва. Пра гэта Еўрарадыё распавёў адзін з сябраў камісіі, які пажадаў застацца неназваным. Яшчэ адзін удзельнік пасяджэння, дэпутат Мікалай Самасейка ад каментароў адмовіўся.

Самасейка: “Датычна пасяджэння камісіі па памілаванні я ніякіх каментароў даваць не буду. Ні па Саннікаву, ні па тэрарыстах, ні па іншых значных ці нязначных справах. Усё з’явіцца ў прэсе — гэта кампетэнцыя прэзідэнта”.

Калі стане вядома рашэнне кіраўніка краіны, не вядома.

Адзначым, інфармацыя пра тое, што на пасяджэнні таксама разглядаліся прашэнні Саннікава і Бандарэнкі, не пацвердзілася.

Фота: bodyfilm.net