Кампанія "Гавары праўду!" можа стаць палітычнай партыяй
Лідар кампаніі, экс-кандыдат у прэзідэнты Уладзімір Някляеў не пацвердзіў і не абверг гэтую версію.
Прынамсі, план такога ператварэння існаваў. Але цяпер ён застаўся ў матэрыялах, канфіскаваных беларускім КДБ.
Бліжэйшым часам "Гавары праўду!" зоймецца сацыяльнымі праектамі. Напрыклад, на ўзор ранейшай кнігі "100 твараў беспрацоўя" будзе стварацца праект "100 пытанняў ураду".
Што датычыць удзелу "Гавары праўду!" у парламенцкай кампаніі 2012 года, Някляеў кажа, што гэта будзе вырашацца супольна з іншымі палітычнымі сіламі краіны.
