Колькасць ВІЧ-інфікаваных у Беларусі перавысіла 14 тысяч
За 10 месяцаў гэтага году выявілі 1046 выпадкаў ВІЧ, летась за такі самы перыяд — 992.
На 100 тысяч чалавек насельніцтва прыпадае 115,9 выпадкаў інфікавання, перадае БелаПАН. Пераважная колькасць носьбітаў вірусу імунадэфіцыту — гэта падлеткі і маладыя людзі ва ўзросце ад 15 да 29 гадоў. Большасць заразіліся палавым шляхам (52,3%), яшчэ 45,2% — гэта наркаманы, якія выкарыстоўвалі не стэрыльныя шпрыцы.
