Лідары зборнай Беларусі не паедуць на чэмпіянат Еўропы па цяжкай атлетыцы
Чакалася, што ў красавіку на першынство кантынента ў албанскую Тырану выставяць наш наймацнейшы склад штангістаў за апошнія гады.
Але з’явілася інфармацыя пра тое, што адразу пяцёра штангістаў, якіх планавалі ўзяць на чэмпіянат, туды не паедуць.
Амаль на 100% з абоймы выбыла чэмпіёнка свету Настасся Новікава.
“Я набіраю вагу і зараз не зганю да 58 кг. А каб выступаць у 63 кг, я пакуль не вельмі добра гатовая”, ― так Настасся адкаментавала сітуацыю карэспандэнту Еўрарадыё.
Выбыў і алімпійскі чэмпіён Пекіна Андрэй Арамнаў. Са збораў у Стайках ён ужо вярнуўся ў Мінск. Па словах атлета, яму зашчыміла нерв.
Арамнаў: “Гэта непрадбачаная сітуацыя. Які б я ні быў прафесіянал, я не магу ў кожны момант чакаць, што на мяне ўпадзе снарад”.
