Мазырскага рабочага будуць судзіць за запіс ВКонтакте
На 4 жніўня ў судзе Мазырскага раёна прызначаны разгляд адміністрацыйнай справы працоўнага завода меліярацыйных машын Міхала Караткевіча.
Ён на сваёй старонцы “ВКонтакте” для ўласнага карыстання змясціў інфармацыю пра серадовыя сустрэчы на плошчы Леніна ў Мазыры. За гэта ў РАУСе на яго склалі пратакол па артыкуле “Парушэнне парадку арганізацыі альбо правядзення масавага мерапрыемства альбо пікетавання”. Судовае паседжанне заўтра пачнецца а 12.00, паведамляе праваабарончы цэнтр “Вясна”.
Міхал Караткевіч заяўляе, што змясціў інфармацыю з раскладам сустрэчаў на плошчы Леніна як памятку для сябе.
