МУС: Шведскага дыпламата ў Мінску не затрымлівалі
Міністэрства ўнутраных справаў афіцыйна абвергла інфармацыю пра затрыманне намесніка кіраўніка амбасады Швецыі Дэвіда Эмтэстама.
Раней у інтэрнэце і ў шэрагу СМІ прайшла навіна пра тое, што спадара Эмтэстама затрымалі 22 чэрвеня ў часе “маўклівай акцыі”. Інфармацыя прайшла са спасылкай на шведскую газету Aftonbladet. Паводле звестак газеты, у дыпламата праверылі дакументы і адпусцілі.
Як пазначана на сайце МУС, такая інфармацыя не адпавядае рэчаіснасці.
