На брэсцкім мосце перакуліўся трактарны прычэп
У выніку на гадзіну быў спынены рух тралейбусаў па мосце.
Як паведамляе БелаПАН, трактар "Беларус" вёз вытворчае смецце на двух прычэпах. Калі ён падымаўся на мост праз раку Мухавец, адбылася аварыя. У машыне заблакавала правае задняе кола. У выніку трактар праз бардзюрны камень выехаў на траўнік. Адзін з прычэпаў перакуліўся, смецце з яго высыпалася на праезную частку. 45-гадовы кіроўца трактара не пацярпеў.
На час прыборкі смецця, на гэтым участку моста давялося спыніць рух тралейбусаў. Іншыя транспартныя сродкі праязджалі ўчастак па сустрэчнай паласе.
