На праваслаўны кірмаш глыбачанаў заваблівалі тыграм (фота)
У Глыбокім 29 сакавіка адкрылася праваслаўная выстава-кірмаш “Кладезь”. Яна будзе праходзіць да 3 красавіка.
Выстава — гэта два вялікія намёты. У адным з іх прадаюцца абразы, царкоўныя рэчы, кнігі, дыскі, сувеніры, у другім — мёд і прадукты пчалаводства, лекавыя травы, манастырскі хлеб. Выстава выклікала вялікую цікавасць у глыбачан і гасцей горада.
Дарэчы, акцыя вызначылася незвычайнай рэкламай. Перад адкрыццём выставы рэкламкі раздавала дзяўчына ў касцюме тыгра.
