Назіральнікі АБСЕ не каментуюць ход суда над Бреусам і Гапонавым
Іх задача — назіраць за судовым працэсам, а затым даць яму экспертную адзнаку.
Назіральнікі Арганізацыі па бяспецы і супрацоўніцтву ў Еўропе не каментуюць ход суда над Арцёмам Бреусам і Іванам Гапонавым.
За ходам суда над расіянамі назіраюць прадстаўнікі АБСЕ Амер Фішар і Тамара Кідашалі, якія прыбылі ў Мінск 9 сакавіка. Як заявіў БелаПАН Фішар, яны не ўпаўнаважаны даваць каментары, іх задача — назіраць за судовым працэсам, а затым даць яму экспертную адзнаку. Па выніках назірання АБСЕ апублікуе агульны даклад.
