Павел Вінаградаў жэніцца за кратамі 22 ліпеня
На гэтую дату прызначылі цырымонію роспісу палітвязня з яго нявестай Святланай Гарохавік.
Іх шлюб зарэгіструюць у Івацэвіцкай калоніі. Маладыя адразу ж атрымаюць спатканне на тры дні. На вяселле прыедуць таксама бацькі жаніха і нявесты, а таксама сведкі, паведамляе “Беларускі партызан”.
Павел Вінаградаў — актывіст кампаніі “Гавары праўду”. Яго адправілі ў калонію на 4 гады за ўдзел у падзеях 19 снежня.
