Працягваюцца суды над затрыманымі 3 ліпеня
Агулам у краіне асуджаныя больш за 60 удзельнікаў "маўклівых акцый".
Пра гэта паведамляюць праваабаронцы. Па іх звестках, у Мінску асуджаныя больш за 40 чалавек. Прычым 36 атрымалі ад 5 да 15 сутак нібыта за нецэнзурную лаянку, 6 — штрафы ад 700 тысяч рублёў да 1 млн 50 тысяч рублёў.
Пра вынікі судовых працэсаў у рэгіёнах інфармацыя няпоўная, перадае сайт interfax.by. На цяперашні час вядома пра 8 аштрафаваных і 13 асуджаных на "суткі".
