Расійскія сацыял-дэмакраты заступіліся за беларускіх паплечнікаў
З адмысловай заявай выступіў Расійскі сацыял-дэмакратычны саюз моладзі.
Ён лічыць палітычна матываваным рашэнне беларускага Мінюста прызнаць нелегітымным з'езд Беларускай сацыял-дэмакратычнай партыі (Грамада).
На думку расійскіх сацыял-дэмакратаў, гэта яшчэ адзін сігнал для беларусаў і міжнароднай супольнасці, што беларускія ўлады хочуць цалкам манапалізаваць палітычную прастору ў краіне. Як інфармуе БелаПАН, расійскія сацыял-дэмакраты заклікаюць міжнародную супольнасць падтрымаць беларускую партыю.
Нагадаем, Міністэрства юстыцыі прызнала нелегітымным XIII (паўторны) з'езд БСДП (Грамада), які прайшоў 5 чэрвеня.
