Расіянін прывёз у Оршу гранату, наркотыкі і фальшывыя грошы
40-гадовага жыхара Смаленска затрымалі з гэткімі сувенірамі ў той момант, калі ён спрабаваў абмяняць на вакзале падробленую купюру.
Мужчына спачатку растлумачыў, што атрымаў 1000 расійскіх рублёў за аказаныя страхавыя паслугі і не ведаў, што купюра фальшывая. Пазней у часе дагляду яго аўтамабіля знайшлі 1,76 грама амфетаміна, пусты корпус ад гранаты Ф-1 і металічную трубку з разьбой, паведамляе сайт “Народныя навіны Віцебска”.
Затрыманага змясцілі ў ізалятар, праводзіцца праверка.
