Сёння ў Лідзе пройдзе суд над журналістам
Перад судом паўстане карэспандэнт тэлеканала “Белсат” Сяргей Карпенка.
Журналіста абвінавачваюць адразу па двум артыкулам адміністратыўнага кодэксу, паведамляе “Вясна”. “Дробнае хуліганства”, нібы за лаянку матам і “непадпарадкаванне супрацоўнікам міліцыі”, пры затрыманні на плошчы Леніна пад час акцыі маўклівага пратэсту 22 чэрвеня.
Па словах Сяргея, яго адразу запрасілі на размову, але пасля адмовы размаўляць з міліцыянтамі супраць яго была выкарыстана грубая фізічная сіла. У выніку журналісту рассеклі галаву.
