Суд вырашыў канфіскаваць офіс "Вясны"
Кватэра была аформленая на асуджанага кіраўніка праваабаронцаў Алеся Бяляцкага.
Як паведамляе Радыё "Свабода" са словаў Наталлі Пінчук, жонкі Бяляцкага, такое рашэнне 4 ліпеня прыняў Партызанскі суд Мінска.
Паплечнік Бяляцкага Валянцін Стэфановіч, аднак, кажа, пакуль што офіс праваабаронцаў працягвае працаваць.
Нагадаем, што Алесь Бяляцкі асуджаны на 4,5 года зняволення з канфіскацыяй маёмасці. Яго абвінавацілі ва ўтойванні прыбыткаў. Бяляцкі сваёй віны не прызнаў і заявіў у судзе, што атрыманыя ім з-за мяжы грошы ішлі на дапамогу рэпрэсаваным.
Фота — svaboda.org
