У чацвер пройдуць чарговыя перамовы пра авіяпералёты між Мінскам і Масквой
У сталіцу Расіі вылеціць дэлегацыя на чале з начальнікам дэпартамента авіяцыі Міністэрства транспарту і камунікацый.
Нагадаем, што авіязносіны паміж Мінскам і Масквой былі перапыненыя ў панядзелак раніцай з-за таго, што бакі не дамовіліся пра колькасць рэйсаў. Пазней рэйсы часова аднавілі — да чацвярга.
Беларускі бок кажа, што расійскія авіякампаніі парушаюць парытэт рэйсаў паміж Масквой. З гэтай нагоды "Белавія" прапанавала скараціць колькасць рэйсаў расійскіх авіякампаній з 35 да 28 у тыдзень. Расія ж прапануе зняць тры абмежаванні — на колькасць авіярэйсаў, на колькасць авіякампаній і на правозныя ёмістасці, перадае РІА "Новости".
