У Гродне замест Народнага сходу ішоў футбол
Футбольны матч “Белкард” (Гродна) — “Хімік” (Светлагорск) адбываўся на стадыёне “Нёман” — меркаваным месцы правядзення сходу.
Стадыён пільна ахоўвалі міліцыя і людзі ў цывільным. У бліжэйшых дварах стаялі аўтазакі. А 13-й гадзіне сабралася каля 50 чалавек. Аднак нікога з сябраў аргкамітэту не прыйшоў. Не было заўважна ні старшыні Аб’яднанай грамадзянскай партыі Юрыя Істоміна, ні ягонага паплечніка Дзмітрыя Бандарчука, ні сябра партыі “Справядлівы свет” Паўла Станеўскага.
Праз паўгадзіны людзі, якія прыйшлі на акцыю, разышліся.
