У Мінску журналістка выкінулася з дзецьмі з акна дзявятага паверху

Трагедыя адбылася ў чацвер удзень на вуліцы Пімена Панчанкі. Мілене было 32 гады, яе хлопчыкам (Стасу і Валеры) — два і сем гадоў.

Як паведамляе "Комсомольская правда в Беларуси", жанчына працавала журналістам БЕЛТА, апошнім часам знаходзілася ў дэкрэтным адпачынку. Паводле папярэдняй інфармацыі, прычынай трагедыі магла стаць пасляродавая дэпрэсія.

Па факце забойства дзяцей Упраўленне Следчага камітэта па Мінску распачало крымінальную справу, паведамляе БелаПАН.

Кватэра загінулых была замкнутая, таму ў яе супрацоўнікі МНС патрапілі з дапамогай аўталесвіцы.

Мілена апошні раз заходзіла ў сацыяльныя сеткі раніцай 23 жніўня, адзначае kp.by.

Фота — tut.by, kp.by, odnoklassniki.ru