У цэнтры Гродна сёння ўвечары рыхтуюць канцэрт
Хто і з якой нагоды будзе выступаць – невядома. Мерапрыемства ў гарадскіх афішах не значыцца.
Цяпер на Савецкай плошчы Гродна ўсталёўваюць сцэну. Як стала вядома Еўрарадыё, гарвыканкам “у прымусова-добраахвотным парадку” запрасіў на сённяшні канцэрт па некалькі прадстаўнікоў ад прадпрыемстваў горада.
Нагадаем, што на сённяшні вечар прызначаная чарговая акцыя "маўклівай салідарнасці". Каб перашкодзіць ёй, у розных гарадах краіны на цэнтральных плошчах ладзяцца афіцыйныя мерапрыемствы.
