Журналіста Ігара Банцара пакаралі вялізным штрафам
Актывісту Саюзу палякаў у Беларусі прысудзілі штраф у 2 млн 100 тысяч рублёў (60 базавых велічыняў).
Грошы павінны быць пераведзеныя на рахунак суда Ленінскага раёна Гродна. Суддзя Наталля Козел прызнала Банцара вінаватым у парушэнні двух артыкулаў Адміністрацыйнага кодэкса — лаянка матам і непадпарадкаванне міліцыі.
Нагадаем, Банцара затрымалі сёння каля будынка суда, дзе ідзе закрыты працэс над Андрэем Пачобутам. Банцар разам з іншымі людзьмі прыйшоў падтрымаць гродзенскага журналіста.
