Рух “Разам” выказаў салідарнасць з украінскім народам
Рух салідарнасці “Разам” выступіў з заявай у сувязі з разгонам Еўрамайдану ў Кіеве.
Арганізацыя выказвае рашучы пратэст у сувязі з брутальнымі і незаконнымі дзеяннямі ўкраінскіх уладаў. Рух патрабуе неадкладнага вызвалення ўсіх затрыманых і пакарання вінаватых, бо збіццё мірных людзей — гэта злачынства.
Таксама арганізацыя заклікае беларускія і міжнародныя арганізацыі выказаць салідарнасць з братнім украінскім народам.
Нагадаем, што байцы ўкраінскага спецпадраздзялення “Беркут” ажыццявілі зачыстку акцыі апазіцыі 30 лістапада а чацвёртай гадзіне раніцы.
Для разгону акцыі прыбыло каля тысячы спецназаўцаў. Людзей білі дубінкамі, ужывалі газ. Было чуваць выбухі. Затрымана каля 30 чалавек.
