Сацсеткі ксяндза Вячаслава Барка прызналі "экстрэмісцкімі"
Вячаслаў Барок / Еўрарадыё
Суд Чыгуначнага раёна Віцебска 26 снежня прызнаў "экстрэмісцкімі" акаўнты ксяндза Вячаслава Барка ў сацсетках, заўважыў тг-канал "Хрысціянская візія". Гаворка ідзе пра Фэйсбук, YouTube і тэлеграм-канал.
Раней розныя відэаролікі з удзелам ксяндза неаднаразова дадаваліся ў спіс "экстрэмісцкіх" матэрыялаў.
Ксёндз Вячаслаў Барок неаднаразова выступаў у эфіры Еўрарадыё. Святар смела крытыкаваў беларускую ўладу і ўрэшце быў вымушаны пакінуць Беларусь. Цяпер ён служыць набажэнствы ў Варшаве для беларускіх рыма-католікаў.
