Савет Еўрасаюза зацвердзіў адмену спрошчанага візавага рэжыму ЕС з Расіяй
Савет Еўрасаюза зацвердзіў адмену спрошчанага візавага рэжыму ЕС з Расіяй. Яна пачне дзейнічаць з 12 верасня. Візавы збор для грамадзян РФ павялічыцца з 35 да 80 еўра. Таксама ім стане цяжэй атрымаць доўгатэрміновыя і шматразовыя візы.
Была пагроза, што пад візавыя абмежаванні могуць трапіць і грамадзяне Беларусі. Аднак з дакументаў была выключаная згадка пра беларусаў.
Тым часам з 19 верасня расіянам закрываюць уезд краіны Балтыі і Польшча. Забарона будзе тычыцца ўсіх шэнгенскіх віз, незалежна ад таго, якія краіны іх выдалі.
