"Шахцёр" другі год запар выйграў рэгулярны чэмпіянат Беларусі па хакеі

"Шахцёр" другі год запар выйграў рэгулярны чэмпіянат Беларусі па хакеі. Пра гэта стала вядома ў чацвер пасля перамогі салігорцаў у авертайме над "Брэстам" — 3:2 (1:1, 1:0, 0:1, 1:0). У "Шахцёра" стала 86 ачкоў і застаецца правесці яшчэ адзін матч. У "Віцебска" 82 ачкі і дзве гульні ў запасе.

Матчы 1/4 фіналу стартуюць у сакавіку. Ужо вядомыя дзве пары: "Юнацтва" і "Металург" (дзейны чэмпіён), "Нёман" і "Гомель". Сапернікі "Шахцёра" і "Віцебска" стануць вядомыя пазней. За дзве пуцёўкі ў плэй-оф пазмагаюцца "Ліда", "Брэст", "Хімік" і "Лакаматыў".