Штомесяц авіягаліна Беларусі губляе ад санкцый каля 10,3 мільёна долараў
Каля 10,3 мільёна долараў штомесяц губляе авіяцыйная галіна Беларусі ад санкцыяў. Такую лічбу назваў віцэ-прэм'ер Анатоль Сівак на сумесным пасяджэнні Палаты прадстаўнікоў і Савета Рэспублікі, перадае БЕЛТА.
"Толькі вымушаны аблёт тэрыторыі Украіны пацягнуў за сабой павелічэнне агульнага часу выканання і значны рост выдаткаў, які за ліпень-снежань 2021 арыенціровачна складзе каля 5 мільёнаў долараў", — патлумачыў чыноўнік.
Ён заявіў, што перад авіятранспартам стаіць складаная задача кампенсаваць страты.
Пасля прымусовай пасадкі самалёта Ryanair у Мінску краіны ЕС, Вялікабрытанія і Украіна закрылі сваё неба для Беларусі, а таксама загадалі сваім авіякампаніям аблятаць нашу краіну.
