Штомесяц у Мінску набываюць больш за 10 машын Porsche па 100 тысяч еўра

Нягледзячы на крызіс у Мінску штомесяц набываюць больш за 10 аўтамабіляў Porsche у сярэднім па 100 тысяч еўра. Самы дарагі аўтамабіль быў прададзены ў гэтым месяцы і каштаваў ён значна больш за 100 тысяч еўра! Пра гэта Еўрарадыё распавялі ў мінскім салоне Porsche:

"Сёння добра прадаецца мадыфікацыя "Каен". Самы дарагі аўтамабіль, які ў нас купілі, каштаваў значна болей за 100 тысяч еўра".

Дарэчы самая танная мадэль Porsche ў мінскім салоне — гэта Boxter за 38.600 еўра, а самая дарагая — 911 GT2 за 162.200.


Падрабязней пра тое, як крызіс адбіўся на продажы новых аўто, як узяць крэдыт на машыну за некалькі хвілін без даведак аб даходах і пра тое, чаму многія салоны сталі прадаваць аўто па сабекошце — у бліжэйшым часе ў рэпартажы Еўрарадыё.