Сіноптыкі: У чацвер у Беларусі чакаюцца дажджы, навальніцы, град
Калі ўначы ападкі прагназуюцца толькі месцамі, дык удзень — на значнай частцы тэрыторыі нашай краіны.
Месцамі пройдуць моцныя ліўні, на ўсходзе ў асобных раёнах магчымы град. Вецер паўднёва-ўсходні, 4-9 метраў за секунду, удзень месцамі шквалістае ўзмацненне да 15-20 метраў за секунду.
Тэмпература паветра ў начныя гадзіны складзе 10-17 цяпла, у дзённыя — 22-28, інфармуе БЕЛТА.
