Сіноптыкі: У чацвер удзень па ўсёй Беларусі чакаюцца дажджы
Уначы ападкі прагназуюцца пераважна ў Брэсцкай вобласці.
У дзённыя гадзіны месцамі магчымыя навальніцы, у паўднёвых раёнах — моцныя дажджы. Уначы і раніцай у асобных раёнах згусціцца туман.
Вецер будзе паўднёва-ўсходнім, 4-9 метраў за секунду, пры навальніцах — з парывамі да 14 метраў.
Тэмпература паветра ўначы складзе 5-10 градусаў вышэй за нуль, на Брэстчыне — да 13 цяпла, удзень — ад 16 да 22 градусаў, інфармуе БЕЛТА.
Дажджы працягнуцца да канца тыдня, прычым ад пятніцы яны стануць працяглымі.
Фота — bymedia.net
