Станюта атрымала бронзу на этапе Кубка свету па мастацкай гімнастыцы
Лідар беларускай зборнай па мастацкай гімнастыцы Меліціна Станюта заняла трэцяе месца ў індывідуальным мнагабор’і на этапе Кубка свету BSB Bank, які праходзіць у Мінску, у спарткомплексе Falcon club. Як паведамляе БЕЛТА, 21 траўня Станюта ўпэўнена выступіла ва ўсіх чатырох відах праграму (абруч, мяч, булавы, стужка) і атрымала 73,95 бала. Але ж яна не змагла абысці дзвюх расіянак: Маргарыта Мамун заняла першае месца з 75,70 бала, на трэцім Аляксандра Салдатава — 74,20 бала.
На чацвёртым месцы — беларуска Кацярына Галкіна (71,90 бала).
Зборная нашай краіны пры гэтым заваявала золата ў групавых практыкаваннях, на другім месцы расіянкі, на трэцім — каманда Ізраілю.
Сёння, 22 траўня будуць разыграныя медалі ў індывідуальных відах.
