Статкевічу і яго "падзельнікам" выставілі пазоў на 3 мільёны рублёў
Мікалаю Статкевічу і яго “падзельнікам” Генпракуратура выставіла пазоў на 3,078 мільёна рублёў (1,2 мільёна долараў)! Пра гэта палітвязень паведаміў у лісце сваёй жонцы Марыне Адамовіч.
Мікалая Статкевіча, Сяргея Ціханоўскага, Ігара Лосіка, Арцёма Сакава, Дзмітрыя Папова і Уладзіміра Цыгановіча вінавацяць у тым, што яны нібыта з чэрвеня 2019-га планавалі арганізацыю масавых беспарадкаў у Беларусі падчас падрыхтоўкі і правядзення прэзідэнцкіх выбараў у 2020 годзе.
Суд над імі павінен прайсці ў Гомелі, але дата яго яшчэ не прызначаная. Днямі палітвязняў этапавалі ў Гомель.
