Студэнтаў пачнуць пускаць у інтэрнаты па начах

Студэнтаў, якія спазніліся да закрыцця інтэрната па паважнай прычыне, вахцёры цяпер абавязаныя прапускаць ўнутр “без фіксацыі факту позняга вяртання”, а значыць, і наступных санкцый. Ліст з адпаведным патрабаваннем Міністэрства адукацыі разаслала кіраўнікам ВНУ рэспублікі. Што такое паважная прычына, у лісце не тлумачыцца.

У лютым 2015 года беларускія студэнты выступілі з ініцыятывай адмяніць “каменданцкую гадзіну ў інтэрнатах”, як летась гэта зрабілі студэнты ВНУ ў Расіі. Паводле правілаў унутранага распарадку большасць інтэрнатаў у краіны зачыняюцца ў 24.00 і адчыняюцца ў 6.00 раніцы. Многія студэнты скардзіліся на тое, што ноччу вахцёры іх ці не пускаюць наогул, або пакідаюць запіс аб познім вяртанні ў журнале, што ў далейшым пагражае “адпрацоўкамі” на карысць інтэрната.

Каб трапіць у інтэрнат пасля паўночы, студэнту трэба альбо загадзя паведаміць дзяжурнаму аб спазненні (даведка з працы, заява на імя загадчыцы), альбо вусна растлумачыць прычыну свайго спазнення.

У бліжэйшы час актывісты маюць намер прасачыць за тым, як ВНУ будуць выконваць новыя рэкамендацыі Міністэрства адукацыі. Яны апытаюць студэнтаў, якія пражываюць у інтэрнатах, а таксама накіруюць афіцыйныя запыты ў адміністрацыі ВНУ. Вынікі маніторынгу аддадуць на разгляд у Міністэрства адукацыі, піша “Наша Ніва”.

Фота: Bymedia