“Сучасная палітэканомія”: ці адпавядае лукашэнкаўскі капіталізм марксізму — эфір

Ніводны публічны выступ Лукашэнкі, ніводная яго прамова за апошнія чатыры гады не абыходзіцца без згадак 2020 года і разваг пра пагрозы, якіх краіна пазбегла дзякуючы яго намаганням. Тыя падзеі ўжо, каб дагадзіць гаспадару, трапілі ў падручнікі — як аповед пра “спробу дзяржаўнага перавароту”. Маўляў, а мы адстаялі і краіну, і незалежнасць. Вось толькі на Захадзе, здаецца, суверэнітэт Беларусі як дадзенасць і факт зусім не відавочны. І гэта вынік 30-гадовага панавання і захавання Лукашэнкам улады любымі сродкамі.

Ці можна лічыць сустрэчы Лукашэнкі з выкладчыкамі краіны і наведванне ВНУ ў Віцебску часткай выбарчай кампаніі? Чаму адукацыі, педагогам і моладзі надаецца такая ўвага? Ці пойдзе Захад на перамовы з лукашэнкаўскім рэжымам, калі вызваленне палітвязняў працягнецца? Гэтыя ды іншыя тэмы абмяркоўваем у штотыднёвым жывым эфіры Еўрарадыё з кіраўніком варшаўскага Цэнтра палітычнага аналізу і прагнозу, доктарам палітычных навук, сябрам “Вольнай Беларусі” Паўлам Усавым.