Суд у Баранавічах прызнаў экстрэмісцкім тэлеграм-канал Зянона Пазняка
Застаўка ТГ-канала Зянона Пазняка
Улады прызналі "экстрэмісцкім" тэлеграм-канал Зянона Пазняка. Адпаведнае рашэнне прыняў 27 сакавіка суд Баранавічаў і Баранавіцкага раёна.
Але, як заўважыла "Медыязона", спасылка ў "экстрэмісцкім спісе" (zianon_pazniabwk) вядзе ў нікуды. Верагодна, гаворка ішла пра канал з ідэнтыфікатарам zianon_pazniak.
Пазней чыноўнікі Мінінфармацыі выправілі спасылку.
Таксама ў "спіс экстрэмісцкіх матэрыялаў" дадаліся тэлеграм-каналы "Магілёўцы abroad", "Варшава 97%", "Цівалі".
