Святлана Ціханоўская сустрэлася з амбасадаркай ЗША Джулі Фішэр
Святлана Ціханоўская сустрэлася з амбасадаркай ЗША Джулі Фішэр.
"Для мяне вялікі гонар вітаць новага амбасадара ЗША ў Беларусі. Сяброўства з ЗША мае вельмі вялікае значэнне для беларускага народа і яго імкнення да дэмакратычнай будучыні", — перадае прэс-служба Ціханоўскай яе словы.
Джулі Фішэр ў Твітар-акаўнце амбасады ЗША ў Мінску пацвердзіла, што Злучаныя Штаты "будуць працягваць абараняць народ Беларусі і людзей, якія сутыкаюцца з беспрэцэдэнтнай жорсткасцю пры выказванні сваіх свабод".
Як паведамлялася раней, перад прыездам у Мінск Фішэр наведвае шэраг еўрапейскіх гарадоў. Яна праводзіць кансультацыі з еўрапейскімі чыноўнікамі, навукоўцамі і палітыкамі наконт падтрымкі беларускага народу. У Варшаве 3 лютага амбасадарка ЗША сустракалася з лідарам Народнага антыкразіснага кіравання Паўлам Латушкам.
At a meeting today with @Tsihanouskaya, Ambassador-Designate Fisher reiterated that the United States will continue to stand for the people of Belarus and those around the world who face tremendous brutality as they exercise their fundamental freedoms. pic.twitter.com/DmknkYWb11
— U.S. Embassy Minsk (@USEmbBy) February 4, 2021
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
