Затрымалі старшыню Іўеўскага райвыканкама
З ім ад сёння працуюць следчыя. Расследуецца крымінальная справа аб карупцыі ў адносінах чыноўніка.
Як паведамляе БЕЛТА, дзеянні старшыні Іўеўскага райвыканкама кваліфікаваныя па артыкуле "Злоўжыванне ўладай ці службовымі паўнамоцтвамі". Яму пагражае ад 3 да 10 гадоў зняволення. Накладзены арышт на маёмасць чыноўніка. Рыхтуюцца матэрыялы для выстаўлення яму абвінавачання.
Адзначаецца, што крымінальную справу распачала Генпракуратура па матэрыялах галоўнага ўпраўлення па барацьбе з арганізаванай злачыннасцю і карупцыяй МУС Беларусі.
Фота — Fotolia
