Тысячы турыстаў эвакуююць з гатэляў на грэцкім Родасе з-за пажараў
Пfжары на Родасе / EUROKINISSI
Больш 3 тыс. чалавек эвакуявалі з дамоў і гатэляў на грэцкам востраве Родас з-за лясных пажараў. Тут знаходзяцца папулярныя курорты, а ліпень — адзін з пікавых месяцаў турыстычнай актыўнасці.
“Мы толькі што літаральна збеглі з 5-зоркавага раскошнага курорта на лодцы ў суровых умовах. Дрэнная бачнасць, дым. Нам давялося ісці сваім інстынктам, а не ўказанням”, — цытуе BBC выратаваных турыстаў.
Вывозіць людзей з вострава берагавой ахове дапамагаюць і звычайныя прыватныя лодкі. Паводле дадзеных Міністэрства кліматычнага крызісу і грамадзянскай абароны Грэцыі, пацярпелых няма.
Πυρκαγιά στο δάσος της Ελλάδα #rodos #rhodesfire #Rhodos greek brand #Rhodes #Ροδος #φωτιά #Rhodes #Φωτιες #Greece #πυρκαγιαΡοδος #Ροδοςπυρκαγια #Ροδος #rhodeswildfires yunanistan yangın
pic.twitter.com/0JVsJVk9aM— Musa Kayrak (@musakayrak) July 23, 2023
Еўропа пакутуе ад экстрэмальнай гарачыні. У гэтыя выходныя тэмпература ў Грэцыі можа падняцца да 45°C. Паводле слоў аднаго з асноўных метэаролагаў краіны, для Грэцыі гэта могуць быць самыя гарачыя ліпеньскія выходныя за апошнія 50 гадоў.
