У аўторак у Беларусі магчымы мокры снег
Зіма набліжаецца / pixabay.com
У Беларусь на гэтым тыдні прыходзіць пахаладанне. Сіноптыкі папярэджваюць, што ўжо ў аўторак, 15 лістапада, у нашай краіне магчымы мокры снег. Уначы будзе пераважна без ападкаў, а ўдзень яны магчымыя месцамі — на паўночным усходзе (акрамя мокрага снегу там прагназуецца і дождж). У начныя гадзіны і раніцай захаваецца туман.
Уначы тэмпература паветра складзе ад -4 да +2 градусаў (у Мінску — ад -1 да +1, на Брэстчыне — 3-5 цяпла), у дзённыя гадзіны — ад +1 да +7 (у сталіцы — ад +3 да +5, у Брэсцкай вобласці — да +10 градусаў).
vk.com/belgidromet
