У Бабруйску арыштавалі мужчыну, які выкінуў з сёмага паверха сабаку
Сабака падышоў абнюхаць госця, і гэта яго раззлавала (ілюстрацыйнае фота) / pixabay.com
У Бабруйску арыштавалі мужчыну, які выкінуў з сёмага паверха сабаку. Жывёла загінула. Была распачата крымінальная справа, яе ўжо разгледзеў суд Бабруйскага раёна і горада Бабруйска.
Высветлілася, што ў верасні мужчына быў у гасцях у знаёмых. Падчас застолля з ужываннем алкаголю ён і выкінуў з балкона сабаку. Па словах абвінавачанага, сабака падышоў абнюхаць госця, і гэта яго раззлавала.
У снежні мужчыну прызналі вінаватым у жорсткім абыходжанні з жывёламі і асудзілі на тры месяцы арышту (было прызначана і лячэнне ад хранічнага алкагалізму). Сваю віну ён цалкам прызнаў.
Падобныя выпадкі ў Беларусі нярэдкія. Сёлета ў Салігорску жанчына выкінула сабаку з акна 9-га паверха, ён загінуў. Ёй прызначылі пакаранне ў выглядзе папраўчых работ на 1 год з утрыманнем у даход дзяржавы 20% заробку.
