У бальніцы Абельскай некаторых пацыентаў пазначаюць "чорнай меткай"
У "Лечкамісіі" праводзяць "эксперыменты" (ілюстрацыйнае фота) / pixabay.com
У бальніцы Кіраўніцтва спраў Лукашэнкі некаторых пацыентаў пазначаюць "чорнай меткай". Пра гэта "Медыцынскаму весніку" расказала загадчыца інфекцыйна-эпідэміялагічнага аддзела Алена Качанка.
"Мы ж у сябе ў стацыянары прыдумалі назву "чорная метка", — гаворыць Качанка. — Такім чынам, санітарка выразна разумее, што палату, у якой знаходзіцца пацыент з "чорнай меткай", трэба памыць у апошнюю чаргу; таксама і буфетчыца прыносіць туды ежу ў апошнюю чаргу, а хірург ведае, што перавязку трэба зрабіць апошняй справай у палаце".
Тг-канал "Белыя халаты" ставяць пытанне, наколькі падобная "маркіроўка" адпавядае этычным нормам: "Звычайна ў такіх выпадках хапае стандартных папярэджвальных надпісаў, без малюнкаў з чэрапам і косткамі". Мяркуецца, што "кампетэнтныя спецыялісты ніколі не прапанавалі б у якасці інавацыйнага элемента інфекцыйнага кантролю "чорную пазнаку".
Як вядома, галоўны доктар "Лечкамісіі" — Ірына Абельская, маці Мікалая Лукашэнкі.
