У Беларусі памерлі 63 чалавекі з COVID-19

У Беларусі на раніцу 24 красавіка памерлі 63 чалавекі з COVID-19, паведамляе прэс-служба Міністэрства аховы здароўя. За апошнія суткі дадаліся тры ахвяры (за папярэдні дзень — дзве). У нашай краіне зарэгістравана 8773 выпадкі каранавіруса. За суткі іх колькасць павялічылася на 751 (у папярэдні дзень — на 741), гэта новы сумны рэкорд.

Сітуацыя па рэгіёнах наступная: Брэсцкая вобласць — 339 выпадкаў, Віцебская — 1935, Гомельская — 460, Гродзенская — 347, Мінск — 4090, Мінская вобласць — 1206, Магілёўская вобласць — 396 выпадкаў каранавіруса.

Ачунялі і выпісаны 1120 чалавек (+182, у папярэдні дзень выпісалі 169 пацыентаў).

Праведзена ўжо 130,8 тысячы тэстаў, за суткі дадаліся больш за 8 тысяч (у папярэдні дзень — каля 7 тысяч).

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.