У Беларусі расце колькасць беспрацоўнай моладзі
Нават па афіцыйных лічбах / pixabay.com
У Беларусі расце колькасць беспрацоўнай моладзі, нават па афіцыйных лічбах, якія праз хітрую сістэму статыстыкі вельмі нізкія. Белстат паведамляе пра 3,5% беспрацоўя ў Беларусі па выніках апошняга кварталу 2023-га.
А вось сярод моладзі 18-29 гадоў гэтая лічба складае ўжо 7,2%. Напачатку 2023-га паказчык складаў 6,9%. Цяпер ён на максімальным з першых месяцаў 2022-га ўзроўні. Мінімум быў у другім квартале мінулага: 5,8%.
Сярод моладзі афіцыйных беспрацоўных больш, чым у іншых узроставых групах. Гэта негатыўны трэнд, які працягваецца ў Беларусі ўжо шмат гадоў.
