У Беларусі ўсталюецца анамальна цёплае надвор'е, такога не было 20 гадоў
У атмасферы пачаліся "прыемныя змены", у нашу краіну пачало прыходзіць цёплае паветра з Францыі, Іспаніі і Партугаліі.
Як паведамляе Рэспубліканскі гідраметэацэнтр, ужо ў выхадныя дні ў Беларусі ўсталюецца "анамальна цёплае надвор'е". У выніку, у дзённыя гадзіны паветра будзе прагравацца да 17 градусаў вышэй за нуль. Сіноптыкі сцвярджаюць, што так цёпла ў апошнія дні кастрычніка ў Беларусі бывае прыкладна раз на 20 гадоў.
Дарэчы, у пачатку тыдня таксама захаваецца цёплае надвор'е. Тэмпература паветра ўначы будзе складаць 6-12 цяпла, а ўдзень — ад 12 да 17 градусаў са знакам плюс. Гэта на 7-9 градусаў больш за кліматычную норму, адзначае БЕЛТА.
У суботу і нядзелю кароткачасовыя дажджы магчымыя толькі месцамі.
Надвор’е на 25 кастрычніка: воблачна з праясненнямі
Фота — bymedia.net
