У Беларусі выраслі заробкі бюджэтнікаў, пенсіі, стыпендыі, дапамогі
З 1 траўня тарыфная стаўка першага разраду павышаная з 262 тысяч да 275 тысяч рублёў.
Гэта дазволіць павялічыць заробкі працаўнікам бюджэтнай сферы, а гэта каля 850 тысяч чалавек. Таксама павялічваюцца памеры дзяржаўных стыпендый навучэнцам, даплат маладым спецыялістам, інфармуе БЕЛТА.
Міністр працы і сацыяльнай абароны Марыяна Шчоткіна ў каментары тэлеканалу АНТ адзначае, што павышэнні невялікія, але яны адбываюцца рэгулярна (гл. відэа).
Нагадаем, што апошні раз тарыфная стаўка павышалася ў Беларусі 1 красавіка, а выплаты па дзіцячых дапамогах папярэдні раз выраслі 1 лютага.
Фота — Fotolia
